谷M

呢星期終於有胸痛，應該係谷M，今日已經係day 7x未泥M了。唉...雖然係好想快d M到，不過計算錯時間了。

本身諗住冇M泥，咁9月11日睇醫生，就可以食藥抽血驗，和試食排卵藥，點知...應該捱唔到911了。

諗住睇西醫前睇中醫，當調理下身體，怎知道可能中醫見我咁耐M未到，就同我谷一谷 ，冇諗過中醫咁快有成效o架嗎，以為中醫效果好慢tim，睇怕又要等下個cycle先可以開始了。

努力

已經停食天喜丸了，連續食了4瓶，也一點反應都沒有，可能我係重症啦，所以對我唔work。不過如果本身沒有什麼大問題的人，可能會比較work吧！

最近轉到睇中醫，區內有好多個話出名助生仔的中醫，不過我全部都冇睇，相反只求其去咗一間出名d機構的中醫，至於點解？因為我lazy lor。出名d生仔的中醫全部都要自己煲藥的，煲藥好浪費時間呀，放工返泥仲要煲，要好夜先飲得，如果出咗街食飯咁點算wo，我知道自己煲係比藥粉好，不過下下都咁夜飲咁夜煲，我怕我會放棄呀，可況好似話中藥係最好唔好夜晚飲的，所以我選擇了一間可以食藥粉的，那就方便得多了。
我睇的中醫師應該係個後生d女人，佢話我咩唔夠血wo，其實都唔係好明即係乜，最主要叫我介凍飲啦，不過以家summer真係有d難度呀。以家食咗一星期，佢話好咗少少，不過都諗住打算睇下一個月先，希望可以泥到M啦和調理到身體一點。

西醫方面，我9月book 咗睇Dr. Siu，Dr. Siu係個不育醫生，其實之前也book 咗Dr. Tung 和Dr. Tay係下年，但confirm day未知幾時。Dr. Tung 和Dr. Tay係比較出名的不育醫生，所以booking需要等到半年至一年o架，而Dr. Siu應該係不太出名的所以一個月就約到了。Dr. Siu係睇blog同babykingdom有jim介紹的，見到有人成功，而等候時間又唔係好耐，所以膽粗粗約了，好想快d去做checking，快d知道自己實則係咩問題，可以點様做。

咁呢一個月，除咗繼續飲好苦的中藥，我要努力去做下運動keep fit (其實都講咗幾廿年)，我真係好肥啦，得個158cm到但有成123磅，d人成日以為我有咗呀OMG，剛剛係fb同事有張相tag 咗我，跟住我有個幾個月冇見的frd留言問我係咪有咗wo，唉...死野泥o架，私下問唔得概，仲要係人地post 張相到問，個個都見到啦，攪到比同事笑tim，係有咗就冇所謂姐，但唔係咪即係話人肥lor。同我最怕到時如果要食排卵藥或打排卵針，會令到肥呀，所以希望可以減番d冇咁肥同令bingo都易d啦。

天喜丸

由細到大，d M都冇準過，可以誇張到大半年都唔泥都得，以家決定想生仔啦，但係d M都唔泥點生wo。真係有d驚我生唔到呀，唉。不過我都知我自己比較難有，所以已經打定電話book定不育doctor了，不過要等到下年先有得睇，真誇張。

係呢段時間，咁唯有試下其他方法先啦，希望唔駛花好多錢就bingo 啦。本來想睇中醫當調理身體o架，不過我比較lazy，要我日日都煲藥好難o架，d中藥又苦。跟住係babykingdom，見到有jm提起天喜丸，係中藥食粉，好多jim 都食呢個中咗，所以忍唔住買泥試下，又唔太貴，就算冇bingo當調理下d M都唔錯啦。

天喜丸簡介

天喜丸主治婦女月經失調及因月經失調而引至的各種婦科疾病，適用於月經不正常、白帶、經痛、便秘、貧血、失眠多夢、產後調補不足及婚後久未成孕等症。藥性平和，不寒不燥，四季皆宜。無論是己婚婦人或是未婚少女，均可進服。

此外、天喜丸亦可作為一種日常保健食品。常服有補血養顏、健康身心及速進孕育的功效。服時不用咬破，服後不必忌口。服用初期可能有輕微腹瀉的現象，這是由於身體正在去瘀生新，腹瀉現象會於數天後自動消失。

食咗大約2星期到，冇乜反應，又冇乜唔妥，不過d M未泥，希望我未食晒成盒bingo就好了。