8個月

自從冇咗yahoo後，真係好鬼lazy寫blog。轉眼間我個女已經8個月啦。

Helia BB 2個月寫真集

Hello 各位ee，我係Helia呀，體重約11.46磅。我最近影咗d相相，post 幾張比你地睇吓我得唔得意。

新年快樂

祝各位未成功的ee，今年內一定bingo，而生咗bb 的ee，就祝bb快高長大！身體健康！

滿月啦

bb今日滿月啦，而我聽日出得街啦 YEAH!，聽日打算lunch食魚生、中午行吓花市 (夜晚行帶住bb就唔駛諗啦)

小公主出咗世啦

我個小公主係31/12出咗世啦，重3.55kg，係小肥妹1名 ^.^

一出世就大喊概小肥妹

沖乾淨啦

12朝啦，收咗水，塊面已經冇咁包了

9個月

唔經唔覺終於到9個月啦，好快我就可以同bb見面啦。又係時候晒吓我個巨肚先hahaha

我個巨肚已經參唔多42吋啦，唔知到生個陣會有幾多呢？？？希望繼續keep 住唔好爆紋啦=.=。至於體重已經就泥肥咗20磅啦，再加上之前因為想要bb，又食通經藥又食排卵藥，所以呢個bb都應該令我以家肥咗30磅o架啦，唉...唔知可唔可以減得番呢？？？睇怕都又難度lor>.<

前幾日產檢，bb已經有5.8磅啦，所以我估出世都有6磅幾o卦，正常size好好呀，大我又怕難生，細又擔心點解會唔吸收，所以正常size已經心滿意足了。

相比起有d同月媽媽，bb算令我呢個孕期陀得唔算太辛苦啦。頭3個月只嘔咗一次，已經好好啦，中間個d 時間真係所謂概密月期，行得走得食得，除咗訓覺成日發夢同半夜醒一次之外，其他ok o架。至於以家後期，算係相比辛苦少少，因為個肚大所以行得又慢坐底起身又慢， 企得多又腰呀背脊呀就好鬼痛，訓覺時又唔可以平訓，所以只可以左右2边輪住訓，但每边又唔可以訓太耐，所以要不斷轉身，但轉身時又有d難度同少少痛，根本唔會訓得熟，所以一返工時間就成日恰眼訓，好彩d同事都唔會點話我姐。我咁怕辛苦概人都接受到，所以bb算對我好好o架^.^。

不過我以家唔係最怕生bb 個陣，反而係怕坐月個陣湊唔掂呀。C6因為佢同事又生咗bb，佢請唔到假陪我，加上6299都入咗院，而62情況都唔樂觀，所以我要自己攪掂盡量都唔希望會煩到c6。而我媽雖然坐月個陣佢都會過泥，但佢同我講都怕唔識湊wo >.<，因為我細個都係阿婆湊大o架，所以以家真係有d擔心都時應付唔泥。

不過我會盡力o架啦，雖然以我乜都唔想理唔想做概性格，要我一個攪掂可能有難度o架，哈哈，同理唔知點解到以家都好似仲未好接受到個種做媽媽概責任。不過我點都會比心機o架，希望bb直正出世後，我會又所轉變。

所以bb你要乖乖，健健康康出世同你要乖乖好好湊，咁我就安心晒啦。^.^

7個月啦

真係好耐冇寫個blog啦，自從由yahoo轉泥呢度之後，都冇寫過。一來lazy 咗，二來呢個冇yahoo咁方便，所以真係一d寫的意欲都冇，三泥轉咗泥呢度之後，就好似冇咗好多blog友咁，所以有d唔知寫泥做乜的感覺=.=。

好啦，update 吓先，以家已經28W 7個月啦，真係話咁快，你地睇下我概巨肚，已經有38吋啦，睇泥我好快就會爆紋了 (唉...冇眼睇lor)。希望繼續順順利利，大家都要加油呀。