上次失敗後，就決定呢3個月決定睇中醫調理下，諗住等到3月時就睇Dr. Tung正式iui。今日約咗放工去睇彭明慧醫師，彭醫師係blog友兼朋友仔介紹概，佢話醫師話佢80%客人都係多嚢卵巢，所以對呢方面好有經驗，同時search過bk d 評語都唔錯，不過我最想睇佢概原因係佢用藥粉。我知道藥粉係冇自己煲咁好，但我知道自己咁懶，加上我多數出去食，再回到家煲又夜，為怕我放棄，所以都係藥粉岩我。
上到去一個人都冇，正可以即刻入去。醫師問咗我好多野，問老公有冇驗精呀，經期點呀etc，我都拿咗上次個驗血report比佢睇，佢仲話我d指數幾好，不過佢叫我下次M到day 2時驗多一様野就係Testosterone睪丸酮。跟住又開powerpoint講下多嚢卵巢係咩泥o架，有咩特徵呀，經期d體溫會點呀...等，不過佢講個d大部份自己上網search咗所以都知道下
，然後就好似話我應該唔係太難醫，佢話佢有個病人好慘，大我一年但FSH去到4x，連ivf都做唔到，而醫師基本都好難幫到手咁，唉....聽到有d up。
醫師叫我放鬆d，唔好咁緊張呀，早d訓呀，做下運動呀，介下凍野甜野etc....，以家開d藥就幫我泥M先呀，等M泥再調理到時教我點做etc....。估唔到第一次睇就講咗8個字咁耐wo
，暫感覺醫師都幾好，幾細心幾關心，雖然唔知佢幫唔幫到我bingo，不過能調理番好少少d經期都心滿意足啦。
