Day 37

Day 37 M小姐都係未肯泥揾我，係Day 33,34 又發現有d分泌，跟住Day 34用紅d，終於見到有少少線，不過好淺，到Day 35再check已經冇咗啦，所以都唔知係排咗定係我睇錯。不過正常排完體溫就會高，但係我冇高到。所以今日忍唔住約咗醫生去照下卵，順便夠期去做子宮頸抹片檢查。結果係得幾粒細卵，所以唔知係排左定卵未大，不過自己覺得就係未大多，體溫又唔多升，胸又唔多痛，所以...唉..唔知想點。

Dr. Tay d姑娘打番泥話我report ok，咁即係冇多囊???
Prolactin 催乳激素 6.5ug/L
FSH 卵泡刺激素 6iu/L
LH 黃體刺激素 3.5iu/L
Oestradiol (E2) 雌二醇 51pmol/L

C6 report就只有形態差d ref係要大過4%，而佢得3%，其他都ok。我叫姑娘幫我問Dr. Tay可唔可以照輸卵管，Dr. tay佢話唔駛住，都係要等我食晒個4個月排卵藥睇下中唔中先wo。究竟Dr. Tay係想幫我慳錢定佢真係唔得閒理我呢？概然我唔係多囊，我真係好想快d知我點解M唔準呀？係咪輸卵管問題呢？我第一cycle 都拖到以家都未泥，幾時先完成4個cycle呀？1粒排卵藥應該對我冇用的，唉...咁我下個cycle仲食唔食1粒呀？定唔食等睇Dr. Tung算啦。

Day 17

其實今個cycle都有d放棄狀態，除咗食了5日排卵藥外，中藥都停咗，紅d只 check 過2,3次，不過體溫就習慣咗日日check。

Day 11時，發現有dd分泌，到Day 12就發現有好多分泌，仲有拉c tim，不過冇可能咁早排卵o架wo，睇過體溫冇變化，Day 13,14 check 紅d冇線，所以照睇應該未排卵。唉...真係好古怪呀。

直到今日day 17，體溫都係冇乜變化，唔理啦，由佢啦，都唔知幾時排，紅d記得就check，唔記得就算啦，乜都唔理過咗新年先算啦。

Day Tay診所打番泥，話我份驗血report 冇問題，咁即係我唔係多囊啦，咁我究竟係有咩問題會一直唔正常泥M。C6仲未去驗精呀，激死人，佢話想過咗新年先wo，因為呢期有d朋友gathering，驚會飲酒，所以遲d先驗。