今日係食藥第1 cycle之Day 62，亦係我終於等到睇Dr. Tung日子啦
，今日C6要清假所以可以陪我去。
上到去，我傻下傻下咁入錯室，因為翹康唔只一間室，所以=.=。跟住去登記，量血壓，大約唔駛半個鐘就到我啦。
終於見到Dr. Tung，佢比我感覺真係好nice好和藹o架。睇完我之前d report後，佢就話我唔係多囊，佢話應該我係天生排卵差。跟住佢都有解釋多囊應該係點點點咁，同比佢睇我d體溫報告，仲話我之前食中藥個個cycle，d體溫仲升得靚tim(攪到我有d心思思想返去睇中醫，但又驚同西醫撞)。跟住到睇C6份report，就話都唔算差概，雖然形態得3%，不過呢d可以次次都唔同，同可以去改善，所以係咁叫佢要早d訓同係咁叫我地都要做運動。
跟住就入去照陰超，Dr. Tung都好詳細解釋呢個係咩個個係乜咁，同話子宮膜厚度ok。跟住就講佢會開咗通經藥比我先，跟住食排卵藥1日2粒，到時Day 1x就返去照，如果呢樣都冇效的話，就可能改食另一款排卵藥或者打針(不過我唔記得係指同cycle定下cycle)，跟住再睇下自己dodo定放精。我同Dr. Tung講驚食排卵藥會變薄，佢就話人一世可以食12次，我以家先食咗3次同佢話照完，冇覺得我子宮膜又變薄到，所以我就信佢啦。跟住出番去，驗尿再double check 冇懷孕就開藥比我食，同真係好Dr. Tung d收費比Dr. Tay 平d tim。
我下星期先開始食通經藥，因為要就番d日子easter返大陸拜山，雖然唔知Dr. Tung幫唔幫到我，不過佢比我感覺真係唔錯o架，希望真係可以啦
。
