Day 1

昨天Day 51，係晚上終於有dd M了，應該係中藥的成效吧！不然M小姐應該冇咁快泥深我o架。而昨天亦係排到我睇Dr. Tay啦，以為剛好M到，可以係新年前開始iui tim，不過...

本來約咗5點睇，點知打泥delay到7點半。到7點半上到去見到一個人都冇，心諗又話好多人概。坐咗3個字到，到我地入去啦，Dr. Tay第一句就問有咩幫到我地，我心諗更係睇生仔啦，唔係我都唔駛排咁耐啦。跟住問咗我地基本資料，我就比晒d report 佢睇。

首先佢話c6需要再驗精，其實之前中醫已經叫c6係化驗所到驗咗冇耐，但係佢個份report 可能唔合乎世衛組織個份，所以要求再驗一次(c6又哦我，話我好又要佢再驗 ，我點知有唔同wo =.=)。跟住我就去照肚同陰超，照子宮冇問題，內膜厚度亦夠，再睇份report同陰超，表面證供我唔係多囊，佢話唔係所有經期唔準的人就係多囊，可能因為係咁所以佢要求day 2再驗血，其實我上年10月驗咗，理應唔駛咁密check，不過都要聽Dr. Tay講啦。

Dr. Tay想我食4個月排卵藥，頭2個月食1粒，如果cycle都係over 40的話，之後食2粒，期間唔駛返去照，只叫我1星期do 2,3次就得。不過如果c6份report 令佢唔like就要早d返去。如果呢4個月都係冇的話，就安排我照輸卵管，跟住先做iui。其實我已重覆同佢講上一次食排卵藥+排卵針都要成day 23先夠大排，因為我驚排卵藥對我冇乜效，不過Dr.Tay咁講我又只好根佢指示啦。

Dr. Tay佢又真係幾nice，解釋完一様野就會係咁問你明唔明呀明唔明呀，照陰超時又好詳細講呢樣係乜個樣係乜，真係好細心，照陰超前我要去toilet，佢又好耐心等我，我地足足攪左over大半個鐘先出去。而相比Dr. Siu唔係唔好，不過佢冇咁細心講到好清楚，每次冇坐底3分鐘就要我出去，同佢可能太多人，所以可能會係你除更褲時，就去隔離睇其他人，而要你咁樣等。而佢地做法又唔同，Dr. Tay就想你step by step 慢慢試，藥唔得先用針，Dr. Siu就連c6 report未check就叫我藥+針。

其實係有少少失望，我諗住可以快d 試iui o架，諗住成功會比自己dodo多少少。而家我只食藥又怕內膜變薄，又唔駛mon住，又唔知幾時大幾時排。又少少覺得好似等同食中藥咁等排等M，咁樣食中藥咪會好d lor ? 但2樣一齊食又好似冇咁好wo? 定係只食2個月排卵藥，等睇Dr. Tung再決定，突然間好似好煩惱tim