傳説中的閃閃

計LAST M DAY今日係7 weeks 3，亦係返去Dr. Tung覆診的日子。等呢日等咗好耐啦，自從知道自己bingo後，硬係覺得所有野都似是發更夢，所有野都唔實在。加上我又冇什麼害喜情況，更加覺得bb會唔會冇咗呢，所以越近覆診日就開始亂諗野，擔心見唔見到心跳呢? 有冇長大到呢? 有冇係岩概位置呢?，唔照過真係唔會心安。

係Dr. Tung診所等咗好耐終於到我啦，Dr. Tung依然係very nice。不過今次唔再照陰超，係照肚皮啦，Dr. Tung恭喜我有1個胎，跟住度size，又同我講白色點點閃下閃下的就係心跳啦，不過當下睇完又冇咩太大感覺，只係覺得幾得意成粒豆士咁。不過Dr. Tung 部機可能同其它婦產科醫生d機唔同，因為佢冇顯示個胎應該係幾多weeks，所以我都唔知阿b有冇細到，match 唔match個經期weeks數。

Dr. Tung同我講，我仲要返泥睇多一次佢，同佢話唔駛開安胎藥比我 (不過為咗安心，其實我一早返咗去彭醫師開咗安胎藥啦)。跟住問我book 咗醫院未呀，如果私家就仁安最好，個刻我以為佢sell我啦，點知佢話Dr. Tay 開刀都幾好o架，不過唔知接唔接順產lor，可能佢見我睇過Dr. Tay所以就話佢幾好，不過Dr. Tay好似唔係under 仁安 ka wo，咁Dr. Tung咪即係倒米lor。跟住問我有冇食葉酸，我話食更GNC 400 2粒，佢話唔夠，所以今次開咗葉酸比我。

見完閃閃先真係安心咗d，感覺過咗1關，不過泥繄仲有大把關要過的，希望繼續順利

希望快d到6月3日，正式產檢見下胡廣森醫生，胡廣森醫生係我frd推介用過，所以希望佢真係ok啦。