第二次C+ 產檢 ~ 14W3D

今日自己一個返去產檢，因為C6放唔到假。好準時上到胡醫生度，今次唔駛等即刻到我啦，上次等咗成個鐘o架。

跟住入去照，見到bb又大咗啦，有8.9cm咁大，跟住胡醫生照下手呀，脚呀，胡醫生仲話佢好活躍tim呀，跟住問我想唔想知性別，我更係想啦，跟住佢話7成係女女呀，不過望住個mon真係唔識睇，都冇見到個3條線，但胡醫生話似女，咁都應該係啦。跟住問佢如果開刀係點呀，佢就話開刀就12月底，不過我好想bb係大b 呀，如果開刀就變咗係細b啦， 咁第時讀書咪好難入學或要遲一年lor，所以都係慢慢諗清楚先。

我C6知道我睇完，已經立刻whatapps問我仔定女，都唔知點答佢。因為佢係勁想要仔，佢係肯仔恨到發燒o架，佢知道後勁down lor，唉...個樣好明顯，佢仲要恭喜我wo (因為我like女)，佢又講如果係仔，沖涼換片佢做晒，但以家係女就我做晒lor，原因因為佢係男bb係女wo男女授授不親個d。我仲同佢講其實女鐘意痴同嗲papa多d o架，不過佢都係like仔。我咪話番佢lor，仔女係你條精決定概關我咩事wo。同一日未照結構都未100%準o架啦，激死人。

我真係覺得佢好煩呀，男女天註定我都唔想o架，點解要like 仔唔like 女wo，唔通女就唔係你個女咩。成晚又明示又暗示講，攪到我忍唔住講咁咪唔要lor，唉...sorry bb我都係發侮氣先講d咁概野。