第一次睇Dr. Siu

等咗成個月，終於等到今日去睇Dr. Siu了，本以為今日去唔到，因為有個客上咗呢揾我，好彩佢早咗泥，咁就趕得到啦。

診所人不算太多，但足以要你呆等成個幾鐘=.=，下次應該要記得買雜誌睇，唔係真係悶到爆。d nurse 都好似幾nice，佢地叫名個陣係唔會連姓叫你，只會叫個名，好似好親切咁，但我差d唔識反應tim，因為唔識d人多數會叫全名o架ma，就算識都多數叫英文名或者最後中文阿+最後一個字。所以係期間咁岩有人相同名(唔同姓)，2個一齊舉手。

終於見到Dr. Siu，佢冇我想像中咁cool，不過講野真係快，問完基本野就入去照陰照，佢都有睇住個mon解釋比我知照到d係乜，見到右邊有個水"long"，由於未散所以M仲未泥到，要等個水"long" 散咗，再照清楚；而左邊就冇乜泡。照完跟住坐陣，期間佢去咗另外間房睇大肚婆，Dr. Siu真係好busy呀，跟住又入番泥睇我。

Dr. Siu話我應該唔係多囊卵巢，因為我左邊都冇乜泡，就話我可能天生少排卵，不過冇講係咪卵巢退化，或者要等我右邊個水"long" 散咗先confirm o卦。跟住講完會開d咩藥比我之後，我就出去坐，個nurse又再同我講多次點様食幾時要返泥覆診等，跟住就走得啦。

以家要食5日通經藥等M泥，跟住要食避孕藥21日，再等M泥 day 2去睇佢。即係話我要等第二個cycle先開始，唉...冇計要等個水"long"散晒先，M呀M 快d 泥啦，但另一個M冇咗啦多謝$1200。