。入到去，訓起張床又等咗陣，Dr. 先入泥照陰照，好彩水"long"消失了
，可以開始做療程啦。跟住Dr. 同我講要食d咩藥，然後nurse又同我講多次要點食，之後就叫咗我去樓下驗血，驗5様野，不過冇諗到驗血要成千，跟住唔夠錢又落街搵機禁，行到我死死下
，跟住就去驗血，驗完又要上番去等咗陣先俾錢拿藥，就係咁就攪咗我2粒幾鐘，跟住急步搭mrt 返公司
。今日M到都要港九新界周圍走陰公
，由屋企(新界)返工去上環，跟住再去睇Dr. Siu，再返公司，放工又要去荃灣拿note 2 lte，之後又要趕返去奧運約人食飯，先返屋企，簡直走死人呀
。其實今晚食飯係食大閘蟹呀，我都知衰大閘蟹咁寒係唔應該食o架，不過一早已經約咗，所以
，食完今晚唔會再食啦，本來下個月頭又要食，不過計過個陣時係應該排完卵要等bingo，所以我推咗堅快唔食的。好啦講番今次要食好多藥，一要食排卵藥連食五日、二係少濟量阿士匹靈28粒、三係維他命E 28粒、四係葉醱28粒，連驗血今次總共2,340
。其實都冇乜信心今次會否成功，不過唔存希望就唔會有失望啦
，咩都唔諗lu平常心
。不過我都會盡力啦，諗住試下M完後排卵前飲雞精，上babykindgom睇飲雞精有助整靚同整大d 卵子，所以諗住隔日飲，我唔敢日日飲呀，因為見過有d jm話日日飲遲咗排卵或卵子過大，所以先諗住隔日飲試下先。下次返去係Day 12，希望見到有排卵啦
HIHI! 我想問下DR SIU 係唔係就快放假?
回覆刪除[傻婷回覆10/20/2012 13:00:07]原來放完
[版主回覆10/20/2012 12:32:37]下係咩? 佢冇講呀.....
甘你宜家係咪開始iui既療程呀？淨係食藥駛唔駛打針呀？只要有希望一定成功既,保持平常心啦,我會支持你:)
回覆刪除[版主回覆10/29/2012 00:18:12]概然醫生話可以開始就試下啦，或者ok 呢.
[jodie回覆10/27/2012 08:13:47]我都唸住既然醫生甘講甘未遲d先囉,宜家我個醫生又話可以開始,好緊張,唔知做唔做好!!
[版主回覆10/24/2012 15:28:07]係呀..我返一至五咋, 放紅假。
概然你個不育醫生話等你食下藥先，咁再等下啦，等佢話ok先開始啦，橫掂唔等都等咗咁耐lor。咁係呢段時間咪做下運動，早睡早起，調理下等醫生話ok就可以即刻開始啦。
[jodie回覆10/24/2012 12:27:47]你放紅假甘好呀,冇睇日歷都唔知係假期添:)係呀我d藥要長期食既,所以都幾煩,宜家我既不育醫生又話等我食下d藥先再講,我都唔抱希望囉,費事希望越大失望越大,或者真係整定既,學你話濟抱平常心啦,大家都要加油呀!!!
[版主回覆10/23/2012 23:42:26]因為23號係重陽所以放假，我一放假就冇咁早訓o架啦hehe
唔好擔心啦，概然專科醫生話可以開隻懷孕都食得既藥俾你，咁應該冇問題概，我諗應該評估過d藥對bb冇影響先會開比人食的，放心啦。
不過你食藥要長期食的嗎?
[jodie回覆10/23/2012 04:47:16]甘佢又冇話唔同我開始既,只不過要等我見左專科醫生先,甘我既專科醫生話開隻可以懷孕都食得既藥俾我,甘我又可以開始做不育既療程,但我都好擔心會對個b有副作用,所以宜家都唔知做唔做好,你甘夜都未訓既?
[版主回覆10/23/2012 02:28:01]講15分鐘又唔係問題，最緊要個醫生講到個重點同點幫你姐...
咁以家個醫生點講呀? 等你身體問題好番先可以? 定用咩藉唔同你開始呀?
[jodie回覆10/22/2012 07:36:48]我唸hk真係同呢度好唔同呀,我都返去見左醫生啦但係講唔到15分鐘就收左50大元,我覺得好求其囉.或者因為我有另一個身體問題所以過醫生都唔想甘快下定論啦,本來都唸住可以開始,但宜家又唔得真係好低落,多謝你呀!!!
[版主回覆10/20/2012 12:38:31]我諗算一半o卦，因為係其他blog友見到，頭一個月還未需要老公去洗精放入去，所以未算得晒，仲有好似話如果食藥都冇反應先要打個d 排卵針的，但個d 咩破卵針個d就唔知呀。
冇錯..保持平常心..我都會支持你o架^.^
醫生有無話點解要食阿士匹靈既? 點解醫生開咁多種藥比你既?
回覆刪除醫生開排卵藥比我果時淨係開左糖尿藥, 連葉酸都無
加油呀!!
[版主回覆10/24/2012 16:23:32]哦..原來有咁多用途o架，真係唔講都唔知呀.
[傻婷回覆10/24/2012 16:07:25]我睇左兩次都有開阿士匹靈呀...不過唔緊要啦! 信e生!
[Snow回覆10/24/2012 16:04:16]係呀, 其實我睇到人地話防止小產而食, 但我又唔知未bingo都要食喎
[傻婷回覆10/24/2012 15:53:16]我要黎搭下傘先: 阿士匹靈有助子宮血液循環!!
[Snow回覆10/24/2012 15:39:32]一樣架, 我拿醫生果包藥去藥房配番一樣名一樣個樣, 葉酸我諗隻隻差唔多啦, 可能係份量唔同者, 我都係食緊GNC
[版主回覆10/24/2012 15:36:11]不過你出邊配個d係同醫生一様的嗎? 如果係更係出邊買好啦，平過診所咁多o架。
等我下次都返去講叫佢唔駛開葉酸比我啦，我一直都食開gnc，我諗都一様姐..
[Snow回覆10/24/2012 15:29:31]係呀, 我靜靜雞話你知, 我食果d糖尿藥, 依家我都係藥房自己配咋, 因為我要長期食, 每日3粒, 醫生收我$2/粒, 我自己買$0.5/粒咋, 我買100粒只係$50, 我次次都話自己有, 等佢唔好開
[版主回覆10/24/2012 15:21:50]我都唔知點解有咁多藥呀，不過記得佢話開低劑量阿士匹靈係想血管定血液偱環好d wo , 唔知關咩事。
其他維他命E 同葉酸拿藥先知有，早知同佢講其實我以家屋企都有食葉酸唔駛開得唔得，咁咪慳番d錢lor =.=
我前兩年, 年年都約FD黎屋企一齊食大閘蟹, 但今年推曬LU~ (有D好似唔合群咁) :P
回覆刪除[版主回覆10/29/2012 23:35:39]哈..不過年年都有食，突然間唔食其實都幾易估到係想生bb o架啦..ha
[Many回覆10/29/2012 13:37:58]係我老公幫我出聲的~
情況係咁: 我地有一group朋友, 每年都上黎我家食大閘蟹, 但年年都係我地準備, 其實我同老公都成日唔想成日得個做... 又要整又要洗... 佢地又唔建議去其他人屋企... 咁我老公係Whatsapp個group reply 唔食的時候, 有個FD第一時間問, 因為生BB, (我心諗, 你洗唔洗咁講... 人人都知LA...) 又有人REPLY, "都係你老婆生, 你可以食KA"... 但問題係... 我唔食... 煮俾你地? 睇住你地食?
之後我老公就用依個借口︰"大閘蟹寒涼, 我下年要跑馬拉松, 唔想食"... 最後改為食海鮮~ (但到依家仲未約到~)
另到食大閘蟹的, 係我媽咪家, 我講明大寒涼, 我唔食~
HAHAH 打左好大段tim~
[版主回覆10/29/2012 11:51:00]你用咩藉口推呀? 我今星期六都有一單去c6同事home食呀，不過我想推但又想食呀 ha，個日應該係Day 17好似唔應該食的，不過又唔知點推好wo =.=
復診點啊？做咗IUI未啊？
回覆刪除[版主回覆10/31/2012 12:08:57]係呀..一齊努力加油啦
[Jampig回覆10/31/2012 10:21:03]Oh I see, 加油啊，呢條路唔易行！
[版主回覆10/30/2012 11:04:21]未算開始iui呀，今個月先剛開始咋