Day 12

今日返去照卵有冇大，不過我一d期望都冇，因為係食排卵藥期間，有傷風同咳，成個星期先好番，食咗藥怕會影響到，所以都預咗唔掂，不過都食咗2支雞精希望不會太差。仲有紅d真係好奇怪，係day 9見到體溫跌咗，走去check 紅d，見到條淺線(咁耐第一次見咋)，跟住Day 10,11冇check，不過體溫升咗，day 12再check 紅d，條線已經冇咗了，勁驚諗係咪排咗呀，唉，都唔知想點。

等咗成個鐘，終於輸到我照陰超，結果係得1粒比較大好似有12定13mm，同有幾粒細的，不過唔知幾大。跟住醫生講個驗血report 比我知，唉...Free T4甲狀腺擇界，過咗正常範圍dd，所以Dr. Siu幫我問佢樓下另一個醫生睇下我駛唔駛醫，跟住我問Dr. Siu 如果要，我係咪要放棄生仔住，佢話應該係，聽完好想哭呀，點解會咁。至於其他指數LSH、FSH，Dr. Siu冇講有問題，我立個report好似都唔高，都唔記得再問了。跟住姑娘教我打針筆75iu，要打5日，星期五再返去睇。

診所仲未打番泥比我，話我知我駛唔駛睇樓下個醫生，唉..以家都唔知點算好，上網約約search過治療甲狀線只少要食成年藥，等佢返回正常水平，期間冇可能有bb，真係好唔開心好down呀，本身已經唔知點解難有b，如果仲要食幾年藥，到時攪攪下就會係高齡產婦，根加冇希望了。其實我以家仲要打針有咩用。

今次費用$1800