Day 16

Day 15

今日經Dr.
Siu推介去見內分泌及糖尿科專科醫生Dr.
Choi，其實好緊張，不過去見之前去Dr.
Siu拿番份驗血報告先。
結果係：
Free t4 游離甲狀腺素 20.2 (ref: 9.0-19.1) 
TSH -4^th generation促甲狀腺素 1.7042
Prolactin 催乳激素 9.7ng/ml
FSH 卵泡刺激素 6.3iu/l
LH 黃體刺激素 4.1iu/l

只有Free
t4 over range，其他係standard
range。知道我唔係卵巢多囊，不過FSH都唔算高姐，理應唔係卵巢退化啦，但不過我由細到大一直M都唔準，真係唔知咩原因。

去到Dr.
Choi診所，其實都唔多人，不過一個都睇好耐，所以等咗成個鐘。入到去就問我家族d病例，問我好多野，跟住同我check
心跳、check
眼
etc，然後就話甲狀腺有幾種，有甲狀腺炎、慢性甲狀腺、仲有d唔記得名，所以又要我詳細d驗血，再診斷。跟住問Dr.
Choi駛唔駛stop
咗Dr.
Siu d 療程，不過佢話唔駛，之後就出番去等驗血。下星期四再覆診，唉…唔想等好想快d知呀，呢幾日已經係咁諗住呢件事，好想快d知駛唔駛長期食藥，會唔會影響生b，仲要等多一星期仲辛苦過等bingo呀。天呀，希望冇事啦。是日又跌咗$2,220。

Day 16

今日返去Dr. Siu照卵，其實都預咗唔得。由Day 9開始差唔多日日都照紅d，除咗係Day 9同Day 13見過條淺線外，其他日子乜都見唔到，期間已經隔日飲雞精=.=。今朝一早去到，等咗半個鐘終於到我，最快今次lor，入到去照陰超，果然一d都冇大到，同上次差唔多，究竟呢幾日我打咗d乜去個肚到，哈...一d反應都冇(定我d肥肉太多，其實打唔到入去 haha)。唉...連Dr. Siu都話奇怪wo，佢話我後生(吓...32 lor wo)，冇理由一d反應都冇，跟住佢又反覆睇份驗血報告再問我經期幾多個月泥，諗咗陣，決定要我再打5日針，不過今次加大份量，上次打75iu，今次打150iu。

卵呀卵你幾時先識反應o架？食d咩你先會識大呀？阿B你幾時先泥呀？你阿媽再繼續睇醫生的話，會宣佈破產o架，今日又跌咗$2,400啦。

p.s. 係打針呢個星期，個頭日日都有d陰陰痛，間歇性發生，係咁岩定針影響？