Day 20

今日約咗blog友仔snow snow係Dr. Siu診所見面，佢早我半個鐘，由於我遲咗d，佢又早入咗去睇，所以只係傾咗一陣咋，哈哈..好高興認識你呀

又例牌等咗成個鐘先入去，照陰超左右各有一粒比較大，不過只係得13,14mm，比之前大咗少少啦，但左右都有幾粒比較細的，所以Dr. Siu又認為我係多囊，不過唔算太嚴重wo，吓之前又話唔係概，同睇LH同FSH都唔似啦??? 唉..不過Dr. 話係就係lor。今次要每日打3種針，oh shits...我睇其它多囊的blog友都唔駛打咁多o架？點解我要打咁多o架？好驚呀，唔打得唔得呀。跟住等咗好耐，等姑娘教我打針，嘩...痛過針筆好多呀，唉...今次要打3日，星期五又返去覆診，睇咗2個鐘，又掉咗$3,450。

望住d針真係好想放棄，我真係好驚打針呀，點解我打針又比人多，錢又比人用得多，已經唔敢計用咗幾多錢，未開始iui已經咁，再下去點算。其實又d想睇完今個cycle就算，跟住睇中醫調理下，再等下年3月睇Dr. Tung。因為Dr. Siu每次等又個幾鐘，睇又1,2個字，之前又話唔係多囊，以家又話係，其實可能睇其他Dr.都一樣，只不過以家望住d針有d恐懼，又d想放棄。其實我唔怕結果失敗，只係好怕打針。