Day 23

今星期第三次看醫生，要開工途中去，其實開始覺得有d累tim，因為好似隔幾日就要睇一睇，而我住新界，工作香港，睇就九龍，成日來來來回回咁，趕頭趕命去覆診去返工放工，唉...

今次例牌等咗個幾鐘，照陰超yeah終於有大了，好似右邊有1粒21mm，左邊有1粒18mm，但不過仲有幾粒係中size好似都有10零咁。之後話今次打破卵針，Dr. Siu問我今次自己dodo定放精，我選擇咗自己dodo，一來今次先係第一次，想自己試下先，二來C6仲未驗過精，所以無謂浪費錢去做，Dr. Siu話10號同12號dodo，13號開始每日早晚塞藥，月底就知中唔中。

今次打破卵針原來唔係打肚係打係差唔多pat pat位，真係好，由於經過呢13日打針，個肚已經有"魚"同有d洞仲未好，真係再打肚就驚。跟住姑娘比咗張紙我，係關於卵巢過激症有咩反應，由於我有d卵巢脹，所以Dr. Siu叫我寶礦力當水飲，好似話可以舒緩不適，仲叫我每日食3隻蛋白，唔好食咁多飯殿粉質等，食多d高蛋白質食物，就好似當自己bingo咁。是日用咗$1,400，泥近呢幾星期終於可以唔駛趕頭趕命再去覆診了。

其實我估到今次係唔中，第一次邊有咁易啦，我已經諗定如果今個cycle唔得，就轉去中醫調理下，一來下個月12月咁多假，唔想成日覆診啦，二來唔想連續去做，驚催谷個身體，三來想調理下，希望下次做唔駛打咁多針先有反應。今日係診所同咗個女仔傾計，佢係唔返工等有b，佢經準但係嚴重多囊(同我相反我經唔準但唔算嚴重)，佢打咗幾日75iu針筆就有反應到18mm啦，真係好唔駛打咁多針，但係佢有好多粒，不過就唔駛好似我咁打咁多針要去到粉針先得，佢話佢都諗住隔月試iui，三次唔得就等政府ivf，隔月等身體休息下wo，連c6都問個個月谷會唔會冇咁好，所以決定等身體停一停同銀包停一停。

希望我今日見到個女仔會成功啦。